Pjesë e projektit “Angazhimi i të rinjve, për një shoqëri gjithëpërfshirëse pa diskriminim”.

Në kuadër të projektit tonë “Angazhimi i të rinjve, për një shoqëri gjithëpërfshirëse pa diskriminim”, kemi organizuar një punëtori dyditore të rëndësishme për të adresuar fenomenin e bullizmit në mjediset shkollore. Ishte një kënaqësi e veçantë të kishim pjesëmarrjen e profesionistëve në fushën e psikologjis dhe profesorëve të shkollave në Ferizaj.

Në këtë sesion të rëndësishëm, bashkë me pjesëmarrësit tanë, analizuam me kujdes sfidat dhe pasojat e bullizmit në shkolla, duke shkëmbyer përvoja dhe praktika të suksesshme për të luftuar këtë fenomen. Kontributi i çdo individit, veçanërisht i profesionistëve të fushës së shëndetit mendor, ishte i çmuar dhe shtoi një dimension të rëndësishëm në diskutimet tona.

Me një përqendrim të veçantë në çështjet psikosociale dhe strategjitë për të adresuar problemet e bullizmit në mënyrë efektive, ekspertja na ofroi një platformë të vlefshme për të zhvilluar dhe përdorur mjetet e duhura për të mbrojtur shëndetin emocional të nxënësve tanë.

Faleminderit për pjesëmarrjen dhe kontributin e çmuar të psikologëve dhe profesorëve të shkollave në Ferizaj. Bashkë, jemi në rrugën drejt një mjedisi shkollor më të sigurt dhe më të përfshirë për të gjithë!

Projekti ynë është mbështetur nga Ministria e Administrimit të Pushtetit Lokal dhe financuar nga Qeveria e Japonisë, në kuadër të Fondit Japonez për Zhvillim Social, i administruar nga Banka Botërore. Faleminderit për mbështetjen e tyre të pashmangshme në këtë përpjekje për të bërë një ndryshim pozitiv në arsimin tonë!