U nënshkrua Memorandum Mirëkuptimi tre palësh në mes Handikos Ferizaj, Komunës së Ferizaj dhe një grupi nga Mërgata në kuadër të aksionit Humanitar “Mërgata për Personat me Aftësi të Kufizuara”

Marrëveshja u nënshkrua nga nënkryetari i Komunës, Lulzim Aliu bashkë me drejtorët komunal Kemajl Emini dhe Arbër Bytyqi, drejtorin e Handikos Ferizaj, Enver Kosumi dhe koordinatorin nga mërgata, Bujar Neziri, qëllimi kësaj marrëveshje është ndërtimi i objektit të dedikuar për ofrimin e shërbimeve Bazuar në Komunitet për personat me aftësi të kufizuara. Komuna e Ferizajt ka kontribuar me ndarjen e parcelës, hartimin e planit specifik, infrastrukturën e nevojshme, gjersa financimi do të bëhet nga mërgata.